Blog

Tu muslim, mai hindu,

Tu sikh, mai isaai.

Alag hai tu, alag hoon mai.

Alag hai ye kambakht zaat humari.

Bas ye kehte, bas ye karte

nikal gaya ye samay sara.

Mar rahe hai jawaan is desh ke,

Sarhad pe humari raksha ke liye,

Aur logo ke paas waqt tak nahi puchne

ko ke us sainik ko aakhir kisi ne kyun mara?

Mazak bana rakha hai mere

is desh ko kuch logo ne.

Sawaal uthaate hai humare un

veeron ke kurbaani par.

Aisa karte waqt kya kabhi tumhare

zameer ne tumhe nahi pukara?

Nazre tiki hai duniya ki aj humpar.

Kabhi ye socha hai tumne ke

Kaise varchasva kayam rakhna hai

hume humare is desh ka

jispar itna naaz hai hum karte?

Kabtak is bhed bhav ke keechad

me doobki lagaoge, kab tak puri

duniya ke nazro me hume giraoge?

Jao, girebaan me jhaanko kabhi

khud ke, aur batao kya kiya hai

tumne apne vatan ke liye jispar

tumhe naaz ho?

Karm kiye tumne aise hai

ke khade ho jao gar tum

sagar ke is oor toh wo bhi

badal de apna kinara.

Nafrat ki aag me jalna band karo,

mohabbat ki raah apnao, luft hai alag uska,

mehsoos karo kabhi is ehsaas ko,

ye vatan hai mera, ye vatan hai tumhara.

Bachpan se ye hi kehte ho na, bhul gaye?

Saare jahan se acha, Hindustan humara.

– Hum bulbulein hai iski, ye gulsitaan humara.

– Abhishek Gupta.