hindi poem

Read more about the article Waqt

Waqt

Kuch kehna tha, aur ye
bojh e dil jo main Na Jane
Kabse banjaro ki tarah lekar phir raha hoon,
Usse zara halka karna tha.

Ke ek waqt tha,
jab teri palko pe aaye
har aansoon ko moti
samjh zameen par na
kabhi main girne deta tha.

Ke ek waqt tha,
Tere lafzon se nikle har alfaaz
Shehad se meethe lagte te,
jo mere in kaano me
din o raat,
goonjte rehte the.

Ke ek waqt tha,
Teri wo muskaan, aur wo haya,
mujhe dekh kar, ghayal sa kar deti
thi mujhe aur mere is dil ko.

Ke ek waqt tha,
Jab tere waaste is
duniya se lad sa jata tha.
Tere chehre par gar
gham ke saya bhi dikh jaye,
Toh kuch dar sa jata tha.
Anmol thi tu mere liye,
Tujhe mehfooz rakhne ke liye,
Kuch bhi kar sa jata tha.
Ke ek waqt tha,
Jab tere waaste is
duniya se lad sa jata tha.

Wo waqt kuch aur tha,
Ye waqt kuch aur hai. x2

Ab tere us soorat se mohabbat
nahi par beintehaan nafrat si ho gayi hai.
Kuch pyar baaki hai, aur shayad humesa rahega,
Par ab tere bina jeene ki aadat si ho gayi hai.
Tanha chhoda tune, uska gham nahi mujhe.
Gham toh hai is baat ka, ke is dil me,
mohabbat ke khilaaf tu ek beej is bo gayi hai.

Arre ja, tujhe kab roka tha Maine.
Ek bar bol kar to dekhti, par aise kyun
khud ko mujhse paraai si kar gayi.
Mujhe vafa e ishq ka paath padhaati thi.
Khud yoon aisi bewafai si kar gayi?

Bade shiddat se mobbat ki thi,
Par ab nafrat bhi dekh tu meri.
Aakhri saans tak, mudkar na
dekhunga main ab tujhe
Ab nafrat bhi tu dekh meri.

Mar gayi hai, jo mohabbat
mere dil me thi.
Aur uski qaatil tu hai.
Tere hath mere khoon se sane hai.
Dekh apne hathon ko,
Aur jee. Ye hi teri saza hai.
Par kabhi kisi aur ka dil yoon na todna,
Bas itni si meri ek aakhri raza hai.

Ke ek waqt tha,
Jab tere waaste is
duniya se lad sa jata tha.

Wo waqt kuch aur tha,
Ye waqt kuch aur hai.

-Abhishek Gupta

Read more about the article Patthar Dil Insaan

Patthar Dil Insaan

Agar tab hum nadaan na hote.
Agar tab zindagi me aaye
wo toofan na hote.
Agar tab sath wo kuch
galat insaan na hote.
Nazarandaaz na kar paye jise,
Hue waise kuch apmaan na hote.
Toh shayad aaj hum logo
Ki nazron me yoon patthar dil
Insaan na hote.

Agar hume na mile hote wo dhoke.
kiye te Kasme vaade ke rahenge
Hum sath humesa, ek hoke.
Par ant me hua wahi na,
Ke hume akele sab sehna pada,
Kabhi hass ke, toh kabhi ro ke.

Ishq ki baat nahi kar raha hoon.

Pyar ka matlab sirf ishq nahi hota hai.
Pyar ke toh Anek prakaar ke hote hai.

Koi behen bankar,
Toh koi bhai bankar,
Koi dost bankar,
Koi mehboob bankar pyar deta.

Par jab in rishto ki dor toot jati hai na.
Toh is gham ko baant ne wala
Sath mein, Koi na rehta.

Shayad isliye log patthar dil ban jate hai.
Galti unki nahi, wo toh bas, apne aap ko
Us taklif ke samandar se bachaate hai.
Us taklif ke samandar se bachaate hai.

Aur ant me baat wahi pe aati hai.
Agar tab hum nadaan na hote.
Agar tab zindagi me aaye
wo toofan na hote.
Agar tab sath wo kuch
galat insaan na hote.
Nazarandaaz na kar paye jise,
Hue waise kuch apmaan na hote.
Toh shayad aaj hum logo
Ki nazron me yoon patthar dil
Insaan na hote.

-Abhishek Gupta.

Silence

I gave you my heart,
for you asked me to.
It was hard for me,
but I trusted you.

But you did exactly,
What you said you wouldn’t.
You broke it, again, and,

Now I just sit in silence.

-Abhishek Gupta.

Rukawatein

Rukawatein toh zindagi mein humesa aati rehti hai, par baat kuch aisi hai, ke maine mushkilon se darkar kabhi rukna nahi seekha.

-Abhishek Gupta.

Rang

Girgit se zada
jaldi rang badalte,
aur saanp se zada
zehereeley hote
hai ye insaan.

Shayad isliye
wo rab bhi chahta
hai ke mai akela
hi reh jaun.

//Akelapan//

-Abhishek Gupta.

Wo Ishq

Wo ishq hi kya, jo yoon aasani se mil jaye.
Wo ishq hi kya, jo phoolon ki tarah na khil paaye.
Wo ishq hi kya, jisme halki phulki takraar na ho.
Wo ishq hi kya, jisme har roz ishq ka izhar na ho.
Wo ishq hi kya, jisme ek dooje par vishwas na ho.
Wo ishq hi kya, jisme aap ek dooje ki vajah-ae-saans na ho.

Wo Roothna,
Wo Manana,
Kabhi gusse se,
Toh kabhi pyar se, samjana.
Bas inhi baaton mein
simta hua hai pyar ka fasana.

Yahan gaur faramiyega zara.

Apne mashooka ke walid se
Wo Pehli dafa milna.
Aur phir unke nazaron ke dar
se aapke honton ka silna.
Pyar me aapko ye din bhi
Dekhna hi padega.

Sath me baith wo sapne dekhna,
Phir ek dusre ko kehna,
Ke hume humesa sath hai rehna.
Bas ye kahi bahar baith ke na karna!
Kya pata ye pyar ke dushman
Kahin bhagwa rang pehen ke aa jaaye,
Aur unse bachne ke liye tumhe na kehna
Pad jaaye apne hi mashooka ko behna.

Khair, toh is baat ko,
Kuch is tarah khatm karte hai.
Ke is pyar ke raaste ko agar tum
Chunn rahe ho, toh hausla bhi rakhna.

Jitna pyar milega is raaste mein,
Kaante bhi utne hi milenge.
Aasaan samjne ki bhool na karna,
Pyar paana mushkil nahi,
Par use nibhana mushkil hai.

Toh jaaye, aap bhi zara pyar me,
Kabhi thoda gir jaaye toh
kabhi thoda sambhal jaaye.

Kyunki,
wo ishq hi kya,
Jo yoon, aasaani se mil jaye.

-Abhishek Gupta.

Numaaish

Us dard-e-dil ka
maza hi kya jiski
numaaish aap
puri duniya mein
karte firein.

Kabhi kabhi dard sehna
zaruri hota hai, aye dost.
Insaan zindagi ke
asliyat se roobaroo
tab hi hota hai.

-Abhishek Gupta

Patthar Dil Insaan

Agar tab hum nadaan na hote.
Agar tab zindagi me aaye
wo toofan na hote.
Agar tab sath wo kuch
galat insaan na hote.
Nazarandaaz na kar paye jise,
Hue waise kuch apmaan na hote.
Toh shayad aaj hum logo
Ki nazron me yoon patthar dil
Insaan na hote.

Agar hume na milte wo dhoke.
Kasme vaade kiye te ke rahenge
Sath humesa, ek hoke.
Par ant me hua wahi na,
Ke hume sab sehna pada,
Kabhi hass ke, toh kabhi ro ke.

Sirf ek tarah ke pyar
ki baat nahi hai aye dost,
Pyar ke toh Anek prakaar ke hote hai.

Koi behen bankar,
Toh koi bhai bankar pyar deta,
Koi dost bankar,
Koi mehboob bankar pyar deta.

Par jab in rishto ki dor toot jati hai.
Toh us gham ko baant ne wala
Sath mein, aye dost, Koi nahi rehta.

Shayad isliye log patthar dil ban jate hai.
Galti unki nahi, wo toh bas, apne aap ko
Us taklif ke samandar se bachaate hai.
Us taklif ke samandar se bachaate hai.

-Abhishek Gupta.